Lemosin

Lo mai septentrionau daus espandis occitans, podem dire qu’es lo punt lo mai au Nòrd de l’Euròpa dau Sud. La nòstra pausicion de charniera fai qu’avèm daus referents multiples. Jan dau Melhauquauqes eivís sus lo personatge…
forum Occitania !! ne’n dís quauqua-ren coma « tròp celtes per èsser v’raiment daus Latins e tròp latins per èsser v’raiment daus Celtes. » Sem ben mai que ’na region perduda au mitan d’un exagòne.

Lemosin es ’na terra de contrastes :
 ’Na natura sauvatja gardadaun exemple
www.pnr-millevaches.fr (Fr) e ’na tradicion de ’levatge e de seleccion grandament renomada : buòu lemosin, pòrc cuòl negre de St Iriès, haras de Pompador… L’environament rustic per quin sem coneguts es tamben sorga de sabers-far e d’inventivitat.
 Un terrador de resistènçaGeorges Guingouin
www.guingouin.com (Fr) a l’invasor conquistaire ente los amics reçauben totparrièr un accuèlh chalorós. La formula de benvenguda « chabatz d’entrar » marca gaireben lo dever de daissar pas sa pòrta barada. Lo monde paísan, d’ordinari conservatiu, i es estat lèu banhat d’eideias progressistas menadas de a vila per sos trabalhaires migrants que se’navan far lo maçon a Paris e a Lyon.
 Un minjar simple e suvent de bon calar… que se mancarà pas de servir dins un servici de porcelanaLos arts de la taula en Lemosin
musèu Adrien Dubouché (Fr). Luenh de tota cura dau bon goût français, solament per ’mor que per reçaubre las gents amb ’na marca d’atencion, prenem quò qu’avem de mielh au país ; se trapa que daus reis nos l’envejèren…

N’autres Lemosins avem saubut traspassar l’utilitari de tots los jorns per ò far brave. E a l’encòp demorèren modestes.
La civilisacion daus Trobadors occitans naissèt en Lemosin. Lo quite nom Llemosí es totjorn emplejat uèi per designar la lenga liturgica de la ceremonia dau Mistèri d’Elxla presentacion de la ceremonia
www.lafesta.com (Cat), au Sud dau País Valencian. Eiretat de l’atge mejan, lo ceremoniau es presicat en Valencian ancian que seguissèt ’na evolucion desparrièra mas que s’i auvís totjorn la parentat de lenga.