08/07/2009

Tantlèu nuvelat, lo Conselh Comunau faguèt mèfi a mostrar sa diferença tras sa comunicacion exteriora. Tot lo monde ò fai, qu’es un procès normau e quitament benefic per entrentenèr la creativitat daus professionaus de le comunicacion. L’originalitat, quí es estada de chausir demest daus trabelhs daus Beaux-Arts de Tolosa ’na familha de policias de caractèris : un roman, un italic, las pitas capitalas e doas variadissa de títols sens empautaments, l’una grassa e l’autra estrecha. Lo « Garonne »Pampa Type
www.pampatype.com (Es) (es estat nomenat en francisat) permet, per l’uelh exerçat toparrièr, de coneissèr de seguda un document de l’institucion comunala. L’identifiant es pejat au mai prund dau messatge : las quitas letras que sirven per l’escriure.

L’eideia es pas nuvela, los jornausLe Monde
www.planete-typographie.com (Fr) ne’n son regularament damandaires ; las multinacionalas que venden un produch formatatCasio
www.font-police.com (Fr) se ne’n poden gaireben pas passar. Quí, s’agís de ’na comuna e laidonc quò balha un ancratge territoriau au fenomen.

Que siá la còla comunala d’aura ò la quela de davant, a Tolosa ò dins ’nautra vila occitana, lo simple fach de chausir un caractèri dessenhat au país per daus creatius locaus perticipa de quò que ’pelam « farjar n’estetica occitana » au sens que la traduccion visuala dau mòde de vita, dins la tipografia e/o la compaginacion pren ’na dimension que se trapará pas dins un ambient desparrièr, coma en Euròpa dau Nòrd per exemple. Los Barcelonins l’entendèren fai jà longtemps. Ad’un modeste niveu, lo títol de l’aficha per los diVendres en V.Òc per exemple empleja un caractèri dessenhat per ’na tipografa tolosencaLutz Averós
www.luce.averous.com (Fr).

Engatjam los actors de la cultura occitana mai tot lo monde desirós d’emplejar l’occitan dins lor comunicaciona lo calcular davant d’editar lo mendre document. MXL87 a per tòca de vos i ajudar.

28/05/2009

Per quilhs que son inscrichs sus Facebook, lo raseu mondiau de l’umor potache e de la perda de temps, podetz segre las evolucion de l’Associacion sus lo vòstre perfil, mandar de las fòtos de vos coma lo vòstre chamison, e nos i ajudar a far coneissèr nòstra desmarcha.

Aviam jà mes en plaça los botons que permeten de far saber un article de blog mercès a ’na gama de raseu sociaus (Digg, Delicio.us, Myspace, StumbleUpon…). Aviam quitament pensat d’un project ambiciós que siria estat de farjar ’na platafòrma de quela mena, facha per far coneissèr la presença de la tematica occitana sus l’internet. Fin finala, sembla que vau mielh èsser presents sus los rasèus constituits, en usar la lenga per far prenèr cura de son existença.

Esitatz pas de vos marcar. L’aplicacion Present d’Occitània es de n’autres tamben ;)

Facebook|MXL87www.new.facebook.com

28/08/2008

Quilhs de v’autres que venetz quì parlan occitan, quilhs que parlan pas siran passats au costat.

Aviam pensat de revirar l’integralita dau site, qu’es lo cas per totas las autras rubricas, compres l’agenda. Mas l’eideia de mantuns blogs dins tant de lengas que compta lo site, me sembla de mielh segre.
Quela solucion empacha pas de revirar d’unes "posts" d’importança especiala mas lo sistematic risca de venir lèu impossible. Sens comptar que los comentaris se fan dins la lenga de l’article.

Se i a d’unes de v’autres qu’an jà ’gut lo probleme, m’interessa de saber quala fuguèt la vòstra responsa.

25/08/2008

L’eideia es de constituir un malhum de Blogs Occitans, de se far coneissèr los uns los autres e d’usar plenament los mejans qu’offrìs l’internet per far viure l’Occitan coma lenga vertadierament socialisada.

E puèi dire las chausas que nos venen tamben ... sens mai d’enjuèc que ’na tematica comuna
Volem defendre e difusir la lenga occitana en l’utilizar sus l’Internet per parlar de tot.

L’eideia es nascuda sus lo forum Occitània !!occitania.forumactif.com (oc), qu’es se que siert aura per ne’n rechampar los inscriches. Mai d’informacion vendrà a mesura.

24/08/2008

Era calculat dempuèi la debuta, aura qu’es installat.

MXL87.com devia èsser bastit coma ’na maison, daus còp que i a fau passar de ’na chambra a l’autra en equilibri sus ’na potra, i a ben quauques carton en plen dins la dintrada mas l’essenciau es en plaça : lo bar.

Vertat que sètz estats nombroses de damandar ’na pagina d’accuèlh mai clara, un agenda qu’anonça las datas dins lo bon ordre (!) de las rubricas organisadas d’un biais mai accessible per d’autre que quilhs que las escrivan. Tot quò es l’affar de quauques temps a completar lo saber-far e lo contengut. En venir visar ’quì, podretz coneissèr la nòstra evolucion e la de quò que podram prepausar.

Per totat damanda d’eschamnhe de ligam, ben se passa quì.